Tikilluarit!
Hotel Narsarsuup Nunatta Kujataanut tikilluaqquaatit, pinngortitaq kusanartorsuaq, sermersuarmit 7 km-ik ungasitsigisoq, qaqqanik ungalusaq, qorsorinnik qoorulik, imarlu tungujortoq qillalaartoq iluliarpassualik.

Kujataanut isaaffik
Narsarsuaq Nunatsinni mittarfissuit marluusut aapparaat, Kujataani illoqarfinnut tamanut timmisartukkut imaatigullu angallannermut qitiusoq. Angallannermi pingaarutilimmik inissisimagaluarluni Narsarsuaq 150-nik inuttussuseqartoq qasuersaarfissaqqissuuvoq, eqqissisimaarfissaqqissuuvoq pisuttuarfissaqqissuullunilu.

Pinngortitaq misigisaqarfigiuk
Sermersualiarsinnaavutit eqqaaniluunniit pisuinnaq paasisassarsiorsinnaavutit. Pinngortitalerituut asimiisinnaapput, silaannaq imerlu minguitsut nuannaarutigalugit, ilulissat kusanartut sermersuarlu misigineqarsinnaapput.

Narsarsuaq piukkunnarluartuuvoq aasaanerani eqqissisimaarniaraanni, aamma illoqarfik ukiumi najugassaqqissuuvoq unnuami arsarnerasaartartoq.