Orpippassuit sermersuarlu
Narsarsuaq orpinnik ikkussuiffigineqarsimavoq, orpiit assigiinngitsut Sibiriameersut Alaskameersullu misiliutigalugit orpippassualiarineqarsimapput. Nillernerulaartumut angalaarniaruit Narsarsuup eqqaani sermersuaq Nunatsinni kisiartangajaalluni pisuinnaq tikinneqarsinnaassoq takuniarsinnaavat. Aqquserngup isuaniit kuuk sinerlugu qorlortoq tikinneqarsinnaavoq, tassanngaaniillu qaqqaq 300 m-inik portutigisoq sermer-
suarmut isikkivilik tikissavat, imaannaanngitsumillu takusassaqassaatit.

Ilulissat qallunaatsiaallu illukui
Qooqqut iigartartuanut nakkaajuartumut umiatsiamik attartorlutit angalaarsinnaavutit, ullormut sermeq 200.000 tons kangerlummut aniasarpoq! Narsarsuup akianiippoq savaateqarfik Qassiarsuk. Taanna qanga qallunaatsiaat nunaqarfigisimavaat (Brattahlid), tassaniipput qallunaatsiaat illorsuat assilillugu sanaaq aamma qallunaatsiaat nalaaneersumik oqaluffinnguaqarpoq.

Nunarput qulaaniit isigalugu
Helikopterimik takusassat nalinginnaq ornikkuminaat-
sut qulaaniit isiginnaarneqarsinnaapput, sermersuaq, kangerluit qooqqullu alianaalluinnartut. Nunarput qulaaniit isigalugu ilulissat sermersuarlu isiginnaar-
neqarsinnaapput. Helikoptererlutit minuttini arlaqann-
gitsuni asimi uninngaarsinnaavutit qaqqaniluunniit tammaarsimaartarfinni unnuiartorsinnaallutit.

Oqaluttuarisaaneq uummaarissoq
Oqaluttuarisaanermik soqutiginnittut Narsarsuup Katersugaasivia Bluie West 1-nip illutaaniittoq takuniartariaqarpaat, tassani saqqummersitaapput mittarfiup oqaluttuassartaa, assit pigisallu assigiinngitsut 1941-miit 1958-mut Amerikamiut sakkutooqqarfianeersut saqqummersitaapput.

Angalaarnerit pillugit takornariaqarnermullu tunn-
gasunik paasissutissat pissarsiarineqarsinnaapput "Blue Ice Café" Katersugaasivimmiittoq attaveqarfigalugu.